انٽرنيٽ ۽‌ ڪمپيوٽر تي سنڌي جي ترويج ۾‌ هٿ ونڊايو... عبدالماجد ڀرڳڙي

اسان اهي شڪايتون ته اڪثر ڪندا آهيون ته حڪومت ۽ ادارا سنڌي ٻوليءَ جي سرپرستي نٿا ڪن پر ڏکوئيندڙ حقيقت ته اها آهي ته اسان شڪايت ڪرڻ وارا پاڻ به پنهنجي ٻولي جي پرگھور ڪونه ٿا لهون. فيس بوڪ وغيره تي به لکنداسي ته يا ته انگريزي ۾‌ يا پوءِ اڌ کان وڌيڪ سمجھ ۾‌ نه ايندڙ رومن اسڪرپٽ ۾. مان هميشه عرض ڪندو آيو آهيان ته مهرباني ڪري انٽرنيٽ ۽‌ فيس بوڪ وغيره تي سنڌي مروجه رسم الخط ۾‌ لکو ته جيئن ان جي پنهنجي حيثيت ۾ سڃاڻپ
ٿئي.
انهيءَ سلسلي ۾ واڌارو عرض ته گوگل ٽرانسليشن ذريعي هاڻي ڪنهن به ويب پيج کي انگريزي ۽‌ دنيا جي ٻين مکيه ٻولين ۾ ترجمو ڪري سگھجي ٿو. توهان جيڪڏهن گوگل ڪروم برائوزر ذريعي ڪو سنڌي جو ويب پيج، جيئن خود هي فيس بوڪ جو صفحو آ جنهن ۾‌ سنڌي متن آهي، کوليندو ته هڪدم مٿي هڪ پٽي ايندي ته هي صفحو فلاڻي (گھڻو ڪري پرشين يا عريبڪ) ٻوليءَ ۾ آهي، توهان ان جو ترجمو ڏسڻ چاهيو ٿا؟ هاڻي توهان جتي پرشين لکيل آ اتي ڏسندو ته دنيا جي ٻولين جي لسٽ آهي جن ۾ سنڌي ڪانهي (اردو ۽‌ پشتو به شايد ڪونهن). اتي ئي آپشنز جو هڪ بٽڻ به آهي. ان کي دٻائي توهان چونڊ ڪري سگھو ٿا ته هي صفحو فارسي ۾ ڪونهي ۽‌ مان اها غلطي رپورٽ ڪرڻ‌ ٿو چاهيان. اتي توهان ٻولين جي لسٽ مان ”ٻي ٻولي“ يعني اڌر لينگويج سليڪٽ ڪري لکندو سنڌي ۽‌ اها رپورٽ گوگل کي هلي ويندي. جيئن اهڙيون گھڻيون رپورٽون گوگل کي ملنديون ته هو سنڌي ترجمي کي به شامل ڪرڻ تي غور ڪندا ۽‌ اهڙي طرح اسان جي ٻولي جي بين الاقوامي سطح تي سڃاڻپ ۽ مڃتا جو امڪان آهي. اميد اٿم ته پنهنجي ٻولي سان پيار رکڻ وارا منهنجي هن عرض تي غور ڪندا ۽‌ پنهنجي ٻولي جي هن اهم ذريعه بلاغ تي ترويج لاءِ ڪوشش وٺندا.
عبدالماجد ڀرڳڙي

www.bhurgri.com​

 

شايد ان ئي عمل کي دهرائيندي ... اردو وارن اردو ٻولي کي شامل ڪرائي ڇڏيو آهي... جنهن سان ڪنهن به ويب پني جو اردو ترجمو ته ٿي وڃي ٿو پر ان ۾ وڌيڪ بهتري جي ضرورت آهي جيڪا وقت آهر ٿي به ويندي.. سنڌي ٻولي کي شامل ڪرڻ لاءِ ظاهر آهي گوگل وارا ان وقت ئي قدم کڻندا جڏهن سندن سرچ انجن ۾ سنڌي لفظن جو ذخيرو وڌندو رهي... ان ڪري توهان جي هدايت مطابق اسان کي سنڌي ٻولي کي شامل ڪرڻ جي رپورٽس ڪرڻ سان گڏو گڏ ويب پنن تي سنڌي لکائي کي به وڌائڻو پوندو...

 

مان سمجهان ٿو سڀني دوستن کي گهرجي ته گوگل تي ترجمي لاء سنڌي ٻولي لکي گوگل وارن کي مجبور ڪن۔ مان به اڄ ٻه ٽي صفحا ايئن ئي دهرايا آهن۔ دوستن کي گهرجي ته سنڌي ويب ۽ بلاگ جوڙي سنڌي ٻوليء جي ذخيري کي وڌائن۔

 

ڪجهه دوستن پڇيو آهي ته سنڌي ٽرانسليشن لاء گوگل کي ڪيئن عرضي موڪلجي۔ دوستو هي هڪ آسان عمل آهي۔ اوهان ڪروم ۾ هن ساڳئي صفحي کي کوليو۔ مٿي هڪ لائين نظر ايندي:

options​

​

Not in Persian? Report This error​

​

Select Language​

Other Language
Sindhi
Submit​

طريقو هيٺين تصوير ۾ ڏسو

​

 

محترم شبير ڪنڀار به هن عمل کي سهڻي نموني سمجهايو آهي۔

​