پيارا سنڌي ساٿيو، جيئن ته پنگريو ضلع بدين ۾ سنڌي ادبي سنگت شاخ طرفان ملهايل مرحوم نورمحمد نور سمون جي ورسي ۽ سندس ڪتاب ”سوچن جو سفر“ جي مهورت واري موقعي تي آل سنڌ سمان ويلفيئر ايسوسي ايشن جي مرڪزي صدر محترم غلام رسول سمون صاحب شاعر سائين نُور محمد نُور سمون مرحوم کي جيڪا لفظن جي ڀيٽا ڏني هُئي ۽ انهيءَ تقريب ۾ سڀني آيل مهمانن جو ٿورا مڃيا هُئا سا اسين انتهائي خوشيءَ سان هن وڊيو جي صورت ۾ ساري دنيا جي سنڌين سان ونڊ ٿا ڪريون۔ جيئن ته محترم غلام رسول رسول سمون جو هي خطاب ڪتاب سوچن جي سفر جي خالق مرحوم سائين نُور محمد نُور سمون جي متعلق هو ان ڪري انهيءَ ادبي تقريب جو حصو سمجهي اسان سنڌ سلامت جي محبتي اڱڻ تان شيئر پيا ڪريون۔ هونئن به ٽي خوبصورت پيشڪشون جيڪي خوبصورت شاعر ۽ فنڪارن هن تقريب ۾ سرانجام ڏنيون هيون سي توهان سان اڳ ۾ ئي ونڊ ڪري چُڪا آهيون۔ هاڻي ٿورو هن تقرير جي ونڊ ڪرڻ سان ماحول کي تبديل ٿا ڪريون۔ مان هڪ بار وري توهان کي اها ڳالهه ٻُڌائيندو هلان ته هن تقرير کي فلمبند ڪرڻ وارو، اسان جو مهربان دوست ماستر عبدالغفور سمون آهي جيڪو حيدرآباد جي خوبصورت شهر هوسڙيءَ کان صرف سنڌ سلامت جي سڏ تي آيو هو۔ هن وڊيو جي ايڊيٽنگ اسان جي سنڌ سلامت جي ميمبر محترم محمد جمن شيخ ڪئي آهي، ان کان علاوه هن وڊيو جي فلمبندي جي تعاون لاءِ اسين محترم سليم سنڌي سمون سيڪريٽري سنڌي ادبي سنگت شاخ پنگريو ضلع بدين جا انتهائي ٿورائتا آهيون۔ هن وڊيو ڪمپليٽ ڪرڻ جي ڊائريڪشن توهان جي هن غريب دوست نثار ناز جي آهي۔ پيش خدمت آهي محترم سائين غلام رسول سمون مرڪزي صدر آل سنڌ سمان ويلفيئر ايسوسي ايشن سنڌ جن جو خطاب (سنڌ سلامت اسٽوڊيو جي فخريه پيشڪش)
