هڪ ماڻهون ڪافي ڏينهن کان پريشان هو.... هن کي لڳو ٿي ته هن جي گهرواري ٻوڙي ٿيڻ لڳي آهي.. ڇو ته ڪئي دفعا هن جي سوال پڇڻ تي هوءَ کيس جواب نه ڏيندي هئي.... هن سوچيو ته سندس جو جيترو جلد ٿي سگهي علاج ڪرائجي ڪاٿي ائين نه ٿئي جو بيماري وڌي وڃي... اهو سوچي هن پنهنجي فيملي ڊاڪٽر کي گهرايو ۽ کيس پنهنجي گهرواري جي باري ۾ پيدا ٿيندڙ پنهنجي تشويش کان آگاهه ڪيو ... ڊاڪٽر کيس چيو ته توهان جي گهرواري جي ٻوڙي پن جي ليول چيڪ ڪرڻ لاءِ هڪ هلڪي ٽيسٽ ڪرڻي آهي جيڪا توهان به ڪري سگهو ٿا... ان تحت توهان کيس پهريان نارمل طريقي ۾ 40 فٽ پري کان ڳالهايو جيڪڏهن جواب نه ڏئي ته 30 فٽ پري ڳالهايو ... اهڙي طرح جواب نه ملڻ تي 20 فٽ ۽ پوءِ 10 فٽ پري کان مخاطب ٿيو ته جيئن توهان جي گهر واري جي ٻوڙي پن جي ليول چيڪ ڪري سگهجي... انهي شام سندس گهر واري باورچي خاني ۾ رات جي ماني تيار ڪري رهي هئي .... همراهه مهمان خاني کان بيهي لڳ ڀڳ 40 فٽ پري کان کيس مخاطب ٿيندي چيو ... “پياري اڄ رات جي ماني ۾ ڇا آهي...؟” گهر واري جي طرفان ڪو جواب نه مليو ته همراهه ٿورو اڳتي وڌيو ۽ 30 فٽ پري کان کيس مخاطب ڪيو ... “پياري اڄ رات جي ماني ۾ ڇا آهي...؟” هن دفعي به کيس جواب نه مليو ... همراه هڪ دفعو وري اڳتي وڌيو ۽ 20 فٽ پري کان کيس مخاطب ٿيندي چيو... “پياري اڄ رات جي ماني ۾ ڇا آهي...؟” پر کيس جواب وري به نه مليو ... همراه اڳتي وڌندي 10 فٽ پري کان پنهنجي گهر واري کان ساڳيو سوال ڪيو.... “پياري اڄ رات جي ماني ۾ ڇا آهي...؟” پر هن دفعي به کيس جواب نه مليو ... آخرڪار همراهه پنهنجي گهرواري جي بلڪل ڀر ۾ ايندي کيس چيو .... “پياري اڄ رات جي ماني ۾ ڇا آهي...؟” هن دفعي سندس گهرواري چيو ... “پيارا هي مان پنجون دفعو جواب ڏيندي ٻڌايان پئي ته رات جي ماني ۾ ڪڪڙ رڌو اٿم...” سبق؛ اسان هميشه سمجهندا آهيون ته اسان صحيح آهيون ... مسئلو ٻئي ماڻهون ۾ آهي... پر اهو سوچڻ وقت پهريان پنهنجو پاڻ کي به جانچجي....
يار رشيد، لڳي ٿو ته واقعي جادو سکي ويو آهين، مون ڪا اهڙي ڳالهه توکي ٻڌائي ته ڪونه هئي، جو اهڙا ڌڪ پيو هڻين ... پر يار ڪڏهن ڪڏهن گهر واريون ويجهي اچڻ لئه اهڙا ناٽڪ به ڪنديون اٿئي !!! هو گانو نه ٻڌو اٿئي ... ”ڪيون دور دور رهندي او حضور ميري ڪولون ...“ ياد اچي ٿو ته ڳوٺ ۾ ڪئي اسانجا همراه پنهنجين زالن کي مخاطب ئي هينئن ٿيندا آهن .... ”اڙي ٻوڙي ڪٿي آهين؟ .... ٻوڙي پاڻي ته پيئار .... ٻوڙي وارو ڪر مهمان پيا اچن“ ... مطلب ته زال جو خطاب ئي ٻوڙي پئجي ويندو آهي ... ان قصي جي مطلب جو تعلق انسان جي ڪيترن ئي رخن سان آهي ... ڪئي شادي شده جوڙا، اولاد نه ٿيڻ تي رڳو زال جو علاج پيا ڪرائيندا آهن ... جڏهن پنهنجي لئه چئبن ته چوندا يار مڙسن ۾ به ڪي خاميون ٿينديون آهن ڇا؟ ڀلو ونڊ ڪيو اٿوَ
اوهانجي تحرير تمام وڻين پر يار اسان جي جڏهن شادي ٿي ته پوٌءِ ئي اوهان کي تجربي جي آڌار تي اوهان کي ٻڌائي سگهنداسين۔۔۔۔ ته اوهان جي تحرير صحيح آهي يا غلط
سائين رشيد اوهان ته زبردست شيئرنگ ڪندا آهيو اهڙي انوکي معلومات توهان ڪيئن هٿ ڪندا آهيو واقعي اهو سچ آهي ته اڪثر پاڻ انسان پنهنجي خامي تي نظر نه ڪندو آهي ليڪن ان جي بجاء ٻئي کي چوندو آهي مثلا هڪ ماڻهو اسڪوٽر (بائيڪ)تي سوار ٻيو شخص روڊ پيو ڪراس ڪري ته اهو بائيڪ وارو ان ٻئي لنگهندڙ کي ٿو چوي انڌو آهين ڏسين ڪونه ٿو ته بائيڪ ٿي اچي ليڪن ٿورو سوچجي ته پاڻ به اکين وارو آهي ٿوري بريڪ هڻڻ سان ٻئي کي قصوروار نه ڪري ها ته بهتر اهڙي طرح ڪافي ماڻهو پنهنجين غلطين کي تجربي جو نالو ڏيندا آهن بهرحال دنيا ۾ جيڪڏهن هر شخص پنهنجو محاسبو ڪري ته هوند ڪافي سڌارو اچي وڃي ۔ الله اسان کي ڪامل سمجهه عطا فرمائي۔
ٻُڌ جادوگر ٻُڌ، رشيد کي ڀائو راشد ڇا پيو چئي۔۔۔۔۔۔۔۔۔۔۔۔۔۔۔ لڳي ٿو ته تون به سمان مون وانگر جهونو ٿي ويو آهين۔۔۔۔۔۔۔۔۔ ٿوري گهڻي انهي خوبصورت ڳالهه جي خبر پوي پئي ته رشيد سمان تون هاڻي ماهر ترجمون ڪندڙ ٿيندو وڃين۔۔۔۔۔۔۔۔۔۔۔۔۔ يار هڪڙي ڪهاڻي مون وٽ به اطالوي زبان جي ڪنهن مصنف جي آهي پر سنئين سنڌي انگريزي زبان ۾ آهي۔۔۔۔۔۔۔۔۔۔۔۔۔۔۔۽ پنهنجي ٽُٽي ڦُٽي انگريزي کي آزمائي اها ڳالهه سمجهي ويو آهيان ته مون وٽ موجود جيڪا ڪهاڻي آهي انتهائي شاندار آهي، پر فن ترجمي کان اڻ ڄاڻائي جي ڪري ترجمي ڪرڻ کان قاصر آهيان۔۔۔۔۔۔۔۔۔۔۔۔۔ پوءِ چئو ته موڪلي ڏيان۔۔۔۔۔۔۔۔۔۔ڪر ترجمون۔۔۔۔۔۔۔۔۔۔۔۔۔
