چوندا آهن ته هڪ جبل جي چوٽي تي لڳل هڪ وڻ تي هڪ عقاب پنهنجو آکيرو ٺاهيو هو۔۔۔ جنهن ۾ هن جا ڏنل چار آنا رکيل هئا۔۔۔ هڪ ڏينهن زلزلي جي جهٽڪي سان هڪ آنو هيٺ ڪري پيو جتي هڪ ڪُڪڙِ جو آشيانو هو۔۔ ڪُڪڙِ عقاب جي آني کي پنهنجو آنو سمجهيو ۽ سيني جي هيٺان رکي ڇڏيو۔۔ هڪ ڏينهن ان مان هڪ ننڍڙو پيارو عقاب پيدا ٿيو۔۔ جنهن پاڻ کي انهي ڪُڪڙِ جو چوزو سمجهيو ۽ کائنس پرورش وٺندو رهيو۔۔ آخر پاڻ کي ڪُڪڙِ سمجهندو وڏو ٿيو ته هڪ ڏينهن ٻين ڪُڪڙين سان کيڏندي پري آسمان جي اوچاين تي ڪجهه عقابن کي اڏرندي ڏٺو۔۔ هُن جي دل سٽ کاڌي ته ڪاش هُو به انهن وانگر اڏري سگهي ها۔۔۔ جڏهن هُن ان ڳالهه جو اظهار ٻين ڪڪڙين سان ڪيو ته انهن سندس جو مذاق اڏايو ۽ ٽهڪ ڏيندي چيو ته تون هڪ ڪُڪڙِ آهين ۽ تنهنجو ڪم عقابن وانگر اڏرڻ ناهي۔۔۔ چون ٿا ان کان پوءِ ان عقاب اڏرڻ جي حسرت دل دٻائيند هڪ وڏي عمر گذري ۽ ڪڪڙين وانگر زندگي گذاري ۽ ڪڪڙين وانگر ئي موت ڏنو۔۔۔ ڪاٽو سوچون دل ۾ رکي زندگي گذارڻ انهن سوچن جو غلام بڻجي زندگي گذارڻ برابر آهي۔۔۔ جيڪڏهن توهان عقاب آهيو ۽ توهان جا خواب آسمانن جي اوچاين تي اڏرڻ جا آهن ته پوءِ پنهنجي خوابن کي حقيقت جو رنگ ڏيڻ لاءِ ڪوشش ڪريو۔۔ ڪنهن ڪُڪڙِ جي ڳالهه تي ڌيان نه ڏيو۔۔ ڇو ته انهن توکي به پاڻ سان گڏ اونهاين ۾ رکيو آهي۔۔ پنهنجي ڪردار کي بلند رکڻ ۽ پنهنجي نظرن کي منزل تي رکندي عزم ۽ حوصلي سان اڳتي وڌائڻ ئي توهان جي ڪاميابي جو رستو هجڻ گهرجي۔۔۔ جي ڳالهه اڳتي نه وڌي ته پنهنجي روزانو جي عادتن کان هٽي ڪري ڪجهه ڪرڻ به ڪاميابين کي آسان بنائڻ آهي۔۔۔ ۽ پوءِ اهو به ته ذهن ۾ رکڻ گهرجي ته ۔۔۔ خدا اڄ تائين ان قوم جي حالت ناهي بدلي جنهن کي پنهنجي حالت بدلڻ جو خيال نه آيو۔۔۔
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ بيشڪ الله تعالي نه ٿو مٽائي (ان) قوم کي جيڪي پنهنجو پاڻ کي نه ٿا مٽائين. سورة رعد آيت 11
ڪڏهن ڪڏهن ڪي ڪي اهڙا ڪم ڪري ويندو آهيان جن جي تڪميل تي پهچڻ کانپوء حيرت ٿيندي آهي ته مان اهو سڀ ڪري سگهان ٿو ۔۔۔ پر الائي ڇو ڪڏهن ڪڏهن ڪي سولا ۽ آسانيء سان ٿيندڙ ڪم به ڪري ناهيان سگهندو ۔۔۔۔ پر جڏهن حوصلو بلند هوندو آهي ته ماڻهو پهاڙ به سر ڪري وٺندا آهن ۔۔۔۔
تدبير سان تقدير“ مطلب ته جهڙو سوچيندا آهيون اهو ئي حاصل ڪندا آهيون ۔۔۔ هونءَ ته واڳ ڌڻيءَ جي وس آهي پر الله تعالا چيو آهي ته اوهان خئير جي طرف سوچيو ته آءُ اوهانکي عمل جي سگهه عطا ڪريان، اوهان هڪ قدم کڻو ته آءُ اوهان سان شامل حال ٿيان۔ انڪري چيو اٿن ته سوچون سر گهرن ۔۔۔ تمام سهڻو ونڊ ۔۔۔ لک قرب
ڪوشش ته مان به ڪجهه ڪرڻ جي ڪندو آهيان پر ۔۔۔۔۔۔۔۔۔۔۔۔۔۔۔۔۔۔۔ ڪندو ڪجهه آهيان ٿي ڪجهه ويندو آهي ڪوشش ڪاميابي ء جي ڪنجي آهي۔ جيڪڏهن گهڻو سوچڻ کان ٿورو ڪجهه عمل ڪجي ته تقدير به بدلجي سگهي ٿي
