اسلام عليڪم، جيئن ته سڀني دوستن کي خبر آهي ته سنڌي ٻولي ۾ لفظ "کپي" جون ٻه معنائون وٺي سگهجن ٿيون، جيڪي آهن 1۔ گهرجي، 2۔ فروخت ڪرڻ، جيئن ته جناب صدر مملڪت پنهنجي هر تقرير ۾ "پاڪستان کپي" جا لفظ ورجائيندو آهي، ته هاڻي سوال اهو ٿو پيدا ٿئي لفظ "کپي" جي معني جناب صدر مملڪت جي سوچ مطابق ڇا آهي۔ ان لفظ جي صحيح معني ڇا آهي، سبب ۽ جواز ڏئي سڀني جي علم ۾ ضرور اضافو ڪندا۔
ادا شمس توهان انتهائي نازڪ موضوع تي راءِ پڇي آهي۔۔ ادا توهان کي ياد هوندو ته محترمه جي شهادت کان پوءِ ڪجهه شر پسند عنصرن ماڻهن کي ملڪ سان بغاوت لاءِ اڪسائڻ جي ڪوشش ڪئي۔ ڪافي مفڪرن ته ان ڳالهه کي واضح به ڪيو ته محترمه جي شهادت اصل ۾ ملڪ کي ٽوڙڻ جو هڪ منصوبو هو جنهن کي پورو ڪرڻ لاءِ وس آهر ڪوشش به ڪئي وئي هئي۔ ان سلسلي ۾ سنڌين جي دلين ۾ وڏي صوبي لاءِ نفرت پڻ وجهڻ جي ڪوشش ڪئي پئي وئي۔ پر جيئن ته پيپلز پارٽي ملڪ جي وڏي سياسي جماعت آهي جنهن کي سڀني صوبن ۾ اڪثريت حاصل رهندي آهي ان جي اڳواڻن سنڌي ماڻهن جي دلين ۾ پيدا ٿيندڙ بغاوت کي صحيح رخ تي موڙڻ لاءِ ۽ ايسٽيبلش منٽ جي اکين کي کولڻ لاءِ پاڪستان نه کپي (پاڪستان نه گهرجي) جي نعري کي بهترين حڪمتِ عملي ڪندي تبديل ڪيو ۽ پاڪستان جي موجوده صدر ۽ پيپلز پارٽي جي ڪو چيرمين پاڪستان کپي (پاڪستان گهرجي) جو نعرو لڳايو۔ پاڪستان جا مخالف ۽ پيپلز پارٽي جا مخالف پنهنجو منصوبو ناڪام ٿيندي ڏسندي هاڻي سنڌي ٻوليءِ جي هن خاص لفظ جي مختلف معنيٰ کي پکيڙڻ جي چڪر ۾ آهن جيئن هو پنهنجي منصوبن کي ٻيهر ساڳي طرح وڌائين۔ ٻين لفظن ۾ جيڪو نعرو پاڪستان جي موجوده صدر لڳايو هيو سو آهي پاڪستان کپي (پاڪستان گهرجي) جنهن کي غلط ڪري پيش ڪيو پيو وڃي۔
