جڏهن قوم پرست سياست ۾ ڏنڊي بازي ۽ ڏوهاري ڪلچر داخل ٿي رهيو هو تڏهن اسان باشعور سياسي ڪارڪن جي حيثيت ۾ مزاحمت ڪرڻ جي برعڪس ان ڪرمنل ڪلچر لاءِ رستو کولي ڇڏيو سين. اڄ سنڌ ۾ يا سڄي ملڪ ۾ جيڪا ڇڙواڳي ۽ مهم جوئي سياست جو وهنوار هلي رهيو آهي. ان کي روڪڻ جا اپاءَ نه وٺڻ ڪري يا هڪ گڏيل سياسي محاذ نه هئڻ ڪري هي ڏينهن ڏسڻا پيا آهن. جيڪڏهن اسان متحرڪ هجون ها ته شايد هي نتيجا اسان کي ڀوڳڻا نه پون ها.
سائين امان الله شيخ صاحب هڪ سچو ۽ کرو ماڻهو آهي، هڪ ايماندار سياسي ڪارڪن رهيو آهي. جيڪو اجائي هام ناهي هڻندو ۽ شين کي پرکي پوء ڳالهه ڪندو آهي. سندس هي اعتراف به سچو ۽ حقيقتن تي مبني آهي.
