پنهنجي ڪمپيوٽر کي واءِ فاءِ ايڪسز ڊوائس ٺاهڻ جو آسان طريقيڪار

​

اوهان ڊي اسي ايل يا هڪ عام ايوو سان پنهنجي ڪمپيوٽر تي انٽرنيٽ ته حاصل ڪري ورتو آهي پر اوهان وٽ اهڙي ڪا ڊوائس ناهي جنهن سان پنهنجي موبائل فون، ٽيبليٽ يا وري ٻي لئپٽاپ تي ساڳيو انٽرنيٽ هلائڻ گهُرو ٿا. مطلب ته اوهان جي ڪمپيوٽر کي ملندڙ نيٽ ويجهڙ ۾ موجود اهڙين شين کي به انٽرنيٽ جي ونڊ ٿئي ۽ اُهي واءِ تي انٽرنيٽ هلائي سگهن. پر ان لاءِ هڪ ضروري سافٽويئر هوندو آهي جيڪو ڪنيڪٽيفاءِ نالي سان ملي وڃي ٿو پر رجسٽرڊ نه هُجڻ سبب بار بار غير فعال ٿيو وڃي. ڪُجهه وقت اڳ ذيشان رشيد سان اها ڳالهه ٿي ته ان هڪ ڏَس ڏنو ته ڪمپيوٽر جي ونڊوز ۾ به اهو آپشن آهي پر گڏ اهو به چيو ته اهو اڃان ڪارگر ناهي. اڄ گوگلنگ ڪندي هڪ طريقيڪار مليو جنهن تي هلندي اهو تجربو ڪري ورتم. سوچيم ته ساٿين سان به شيئر ڪجي. بظاهر ڊگهو پر تمام آسان ۽ ٻن منٽن اندر پورو ٿيندڙ ڪم آهي.

مون وٽ ونڊوز 8.1 (يعني 9) آهي جنهن تي اهو سڀ آرام سان ٿي ويندو جيئن هيٺ ڏسيل آهي. ونڊوز 7 تي به اهو ٿيڻ کپي. ونڊوز ايڪس پي وارن لاءِ معذرت.

سڀ کان پهرين ڪمانڊ پرامپٽ کي ايڊمن طور کوليو. جنهن جا مختلف طريقا آهن. (تفصيل لاءِ هتي ڪلڪ ڪريو).

​

ان کان پوءِ هيٺ ڏسيل ڪمانڊ جيئن جو تيئن لکو. بس پاسورڊ پنهنجي مرضيءَ جو لڳايو. (ياد رهي ته اٺ اکرن/نمبرن کان ننڍو نه هُجي. پاسورڊ ۾ اکر هُجن ته خير پر گهٽ ۾ گهٽ هڪ انگ ضرور هُجي).

netsh wlan set hostednetwork mode=allow ssid=Hotspot key=password​

پاسورڊ جي جاءِ تي اوهان پنهنجو ڪو به خفيه ڪوڊ هڻو. اهو ئي اوهان جو پاسورڊ هوندو ٻين کي ڏيڻ لاءِ.

جڏهن اهو ڪري وٺندؤ ته هيٺيون ڏيک ايندو.

​

هاڻي هيٺيون ڪوڊ لکي انٽر دٻايو

netsh wlan start hostednetwork

​

هاڻي چاهيو ته ڪمانڊ پرامپٽ بند ڪري ڇڏيو. ۽ پنهنجي ڪمپيوٽر ۾ نيٽورڪ اينڊ شيئرنگ وارو پيج ڪنٽرول پئنل مان کوليو جتي اوهان جو هڪ نئون ڪنيڪشن آپشن جُڙي چُڪو هوندو جنهن جو هيٺيون ڏيک هوندو.

​

اوهان ڏسي سگهو ٿا ته اڳ ۾ موجود نيٽورڪ تي ته انٽرنيٽ آهي پر جيڪو نئون ڪنيڪشڻ جُڙيو ان تي اڃان انٽرنيٽ فعال ناهي ٿي. ان کي فعال ڪرڻ لاءِ هيٺ ڏيکاريل طريقي تي عمل ڪندي آسانيءَ سان ڪري سگهو ٿا.

مٿي اڳ واري آپشن تي نشان مطابق ڪلڪ ڪريو



پراپرٽيز ۾ وڃو



شيئرنگ جي ٽئب ۾ وڃو



هتي مٿيون چيڪ باڪس ڪلڪ ڪريو



هتي اوهان جي نئين ٺاهيل نيٽورڪ ڪنيڪشن جو نالو هوندو جنهن کي سليڪٽ ڪريو ۽ OK دٻايو



جيڪڏهن سڀ ڪُجهه صحيح ٿيو آهي ته هاڻ نئين ڪنيڪشن تي به Access type اڳيان انٽرنيٽ لکيل ايندو. هاڻ اوهان ڪنهن به موبائل يا ٽيبليٽ تي واءِ فاءِ سرچ ڪرائي هاٽ اسپاٽ نالي ڪنيڪشن ڳوليو ۽ مٿي لڳايل پاسورڊ ذريعي ڪنيڪٽ ڪريو.

(نوٽ: ٿي سگهو ٿو منهنجي سمجهائڻ ۾ ڪا ڪوتاهي رهجي وئي هُجي ته تفصيل لاءِ اصل لنڪ جو ڀيرو ڀڃيو)
​

 

ڪم زور آ .... هيڏو وڏو پراسيس ... جڏهن سچل ڳوٺ اچين ته ڪري ڏجان

 

نئين بهترين ۽ ڪارائتي معلومات..

 

ابا ايڏو به ناهي. بس چار اسٽيپ آهن. سنگت ڪنهن به اسٽيپ تي نه منجهي تنهنڪري هر ڪلڪ تي کلندڙ باڪس جو اسڪرين شاٽ ڏنم. خير سچل اچڻ ۾ دير ناهي. گڏجي ڪبو.
پر ونڊوز ايڪس پي نه هُجي.