فريال ٽالپر 26 اپريل 1958 تي نوابشاهه ۾ جنم ورتو. هي حاڪم علي زرداري جي ڌيءُ، آصف علي زرداري جي ڀيڻ ۽ منور علي ٽالپر جي گهر واري آهي. هن جي ماءُ بلقيس سلطانه 12 نومبر 2002 ۾ هن فاني جهان مان موڪلائي وئي . هوءَ سڀني ڀينرن مان عمر ۾ ننڍي آهي تنهن ڪري گهر وارا کيس پيار مان انا بي بي سڏيندا اٿس. هن جون ٻه ٻيون به ڀينرون آهن جن ۾ ڊاڪٽر عذرا پيچوهو جيڪا قومي اسيمبلي جي ميمبر آهي ۽ فوزيا بي بي شامل آهن. هن پرائمري تعليم پنهنجي اباڻي ڳوٺ ۾ حاصل ڪئي. فريال ٽالپر ايم اي سوشلاجي ۾ پهرين سال جو امتحان ڏنو جڏهن ته ٻئي سال جو امتحان هاڻي ڏيندي. فريال ٽالپر سياست ۾ 1997 ڌاري حصو ورتو جڏهن هن جو والد حاڪم علي زرداري، ڀاءُ آصف علي ۽ ور منور علي ٽالپر جيل جي ڪال ڪوٺڙين ۾ هئا تڏهن هن مخالف ڌر لاءِ خال ڇڏڻ ممڪن نه سمجهيو. نوابشاهه ۾ قومي اسيمبلي جي سيٽ اين اي 160 تي 1997 ۾ چونڊ وڙهي پر ان ۾ ڪاميابي نه ماڻي سگهي. هوءَ 2001 ۾ مڪاني چونڊن ۾ ضلعي ناظمه چونڊجي وئي ۽ عوام کيس ترقياتي ڪم ڏسي 2005 ۾ ٻيهر ڪامياب ڪرايو جيڪا هاڻي تائين ضلعي نوابشاهه جي ناظمه طور پنهنجا سرانجام ڏئي رهي آهي. فريال ٽالپر جو هڪ پٽ سرور علي ڦوهه جواني ۾ وفات ڪري ويو. ٻه نياڻيون جن ۾ تانيه بي بي جيڪا شادي شده اٿس ۽ 6 ورهين جي عائشه بي بي آهن. فريال ٽالپر صوفي ازم جي پاڻ کي قائل سمجهي ٿي هوءَ اڪثر درگاهن تي ويندي آهي. صدارتي چونڊ 2007 ۾ هن به پنهنجي نامزدگي وارو فارم ڪورنگ طور جمع ڪرايو صدارتي چونڊ 2007 ۾ سنڌ سان تعلق رکندڙ واحد عورت اڳواڻ آهي. سليم گل چنا، ڪراچي
