اڪثر عورتون گهرن ۾ ڏهي ڄمائينديون آهن... ان جي لاءِ مٽي جي پيالن ۾ اٻرندڙ کير کڻي ان ۾ پهريان کان تيار ٿيل ٿوڙي ڏهي ملائيندي ويندي آهي پوءِ ان کي ڪنهن ٿلهي ڪپڙي سان چڱي نموني ڍڪي رکبو آهي جيڪو ڪجهه ڪلاڪن کان پوءِ ڏهي جي شڪل ۾ تبديل ٿي ويندو آهي... ڏهي هڪ مڪمل غذا آهي جنهن کي ڪيترن ئي طريقن سان استعمال ڪري سگهجي ٿو... ڏهي ۾ ٿورو فريش ڪريم، مايونيز ۽ ڪجهه موسم جي آهر ميوات شامل ڪري فروٽ سلاد بڻائي سگهجي ٿو... جنهن ۾ ڪيلشم ۽ ڪاربو هائيڊرائيٽ جي مقدار سوائي ٿئي ٿي.... ڏهي آساني سان هضم ٿيڻ واري غذا آهي جنهن ڪري نظامِ هضم کي درست رکندي آهي.... ڏهي ڊائيٽنگ ڪرڻ وارن ماڻهن لاءِ مڪمل غذا آهي... ڇو ته هن ۾ ڪيلوريز تمام گهٽ ٿئي ٿي ... ڪجهه ماڻهون ڏهي کي واپرائيڻ کان گهٻرائيندا آهن انهن جي خيال ۾ هن ۾ بيڪٽريا ٿيندا آهن جيڪي نقصان ڏيندا آهن.... اهڙي سوچ رکڻ وارا حقيقت ۾ ڏهي جي فائدن کان واقف نه آهن... حقيقت ته اها آهي ته ڏهي ۾ موجود بيڪٽريا عام نقصان ڏيندڙ بيڪٽريا کان مختلف ٿيندا آهن... ڏهي ۾ موجود بيڪٽريا کير ۾ شامل ٿي جسم ۾ تيزي سان پکڙجندا آهن ۽ وڏي مقدار ۾ وٽامن بي پيدا ڪندا آهن... ياد رهي ته وٽامن بي آنڊن جو نظام درست رکڻ ۾ تمام گهڻي مددگار ٿيندي آهي.... دوستو .. ! گرمين ۾ ڏهي کي پنهنجي روزانو واري غذا جو حصو ضرور بڻايو ته جيئن توهان جي هضم ڪرڻ وارو نظام درست رهي...
توهان بلڪل سچ ٿا چئو ڌونئري ۾ رب سائين انيڪ فائدا رکيا آهن. ڏسو پهرين کير ان ۾ٿورو ڏُڌ ملائيڻ سان ڏهي جيڪڏهن ڄمائڻ وارو ٿانو صاف سٿرو آهي، ته مٺو ڌونئرو ۽ ٿورو ٿانوَ آڇلايل يا ڌوتل ڪونهي ته ڌونئرو کٽو، هاڻي مٺي ڌونئري ۾ ٿورو پاڻي ملائي ان کي ولوڙيو ته مٺي لسي ۽ زبردست مکڻ ۽ مکڻ مان وري اصل نڀار گيهه، اسان وٽ گهڻن ڳوٺن ۾ اها سنڌي چوڻي آهي ته ” جيڪو نه ڪري ماءُ ۽ پيءُ اهو ڪري خالص گيههُ، هاڻي مٿي ڄاڻايل ڏهي مان بنايل هرشيءَ ۾ الله سائين جي طرفان بيشمار فائدا ڳڻيندا وڃون ته اسين ٿڪي پونداسين پر ڏهي مان بنايل انهن فائدن جو شمار ڪري ڪونه سگهنداسين. بهر حال ادا رشيد سمون جي بهترين شيئرنگ .
سائين رشيد صاحب تمام لاجواب شيئرنگ آهي توهان واقعي اهڙا انمول تحفا اسان کي ڏيو ٿا، توهان به حڪيم لڳا پيا آهيو .
ادا رشيد واقعي ڏهي جاانيڪ فائدا آهن اسين لاڙ ۾ ڏڌ چوندا آهيون انشاءَالله جلدي ڏڌ تي جديد سائنسي انداز جي معلومات رواني ڪندس .اوهان صهت بابت مضمونن ۾ دلچسپي وٺي رهيا آهيو اها قابل تعريف ڳالهه آهي
جواب: ڏهي جا فائدا ڏهيء جا ته انيڪ فائدا آهن ۔۔۔۔۔۔۔۔۔۔ جيڪي دوستن پٿي ٻڌايا انهنجي مهرباني لڳي ٿو ته ادي رشيد وارن وٽ مينهن جو واڙو هيو ۔۔۔۔۔۔۔۔۔۔۔ ان کي ڪافي تجربو ٿولڳي
جواب: ڏهي جا فائدا ادي رشيد تمام ڪارئتي ونڊ شئير ڪئي اسان سان اميد ته سڀئي دوست ڏهي مان مڪمل فائدا حاصل ڪندا ۽ الله تعالي جو شڪر ادا ڪندا رهندا۔
جواب: ڏهي جا فائدا ماشاء الله سائين رشيد جي مهرباني ڏهي کانئڻ جو هڪ فائدو اهو آهي ته جسم جا وار جلدي اڇا نه ٿيندا آهن هيپاٽائيٽس وارن لا به مفيد آهي)
