جواب: شاه عبدالطيف جي شاعري پيارا محمد رمضان منڌرا شال جُڙيو هُجين۔مٺا سُهڻي لطيف جو بيت سُر مومل راڻو مان کڻي آيو آهين زبردست مٿان وري پياري ڊزائن۔ دوست شاهه سائين جي شاعري اسان جي سنڌي ٻوليکي وڏو جيئدان ڏنو آهي، شاهه سائين جا بيت اسان سنڌين کي نت نوان دڳ ڏنا آهن، سُر مومل راڻي مان ڪجهه ٻيا بيت توسان ونڊ ڪريان ٿو۔ ميان مينڌرا ! موٽُ بَخشُڪر بُڇائيون ، تون گهڻن جو گهوٽ، مُون وَرُ تُون ئِي هيڪڙو ! سوڍا! صبر تُنهنجو مُون کي نصيحت، ريلا ڪنديَسِ رت، مينڌرا ! تو مَهَندان ۔ سوڍا ! صبر تُنهنجو، بي عَقُلَنِ عَقُلُ، آهي انگ امُل ، ماٺ تنهنجي مينڌرا ! اسان سڀني سنڌين کي کپي ته شاهه سائين جو پيغام کي دل ۾ هنڊائن۔
جواب: شاه عبدالطيف جي شاعري ادا رمضان مهرباني لطيف سائين جو هڪ بهترين بيت اوهان خوبصورت ڊزائن سان ونڊ ڪيو آهي۔ ساڳي ئي سُر ۾ ڀٽائي سائين فرمائي ٿو : هَلو، هَلو! ڪاڪِ تَڙين، جتي نِينهَن اُڇَلَ؛ نه ڪا جَھلَ نه پَلَ، سَڀُڪو پَسي پِرِينءَ کي. هَلو، هَلو! ڪاڪِ تَڙين، جتي گَھڙِجي نِينهُن؛ نه ڪا راتِ نه ڏِينهُن، سڀڪو پَسي پِرِينءَ کي. هَلو، هَلو! ڪاڪِ تَڙين، چَرُو جِتِ چَڙَهنِ؛ ڪوڙين رَنگَ رَچَنِ، پانوڙِيءَ پِڪَ سين.
